Aller Ulloa, que nacera no pazo de Filgueiroa, realizou estudos e observacións astronómicas relevantes desenvolvendo instrumentos que logo habían de ser adoptados por centros tan prestixiosos como o Observatorio de París. A súa querencia pola astronomía comezara cun anteollo de 75mm de apertura que lle regalar a súa avoa Camila Ulloa cando era seminarista. Cunha obra que ocupa máis de 78 artigos publicados en diferentes medios, 4 libros, 5 teses doutorais dirixidas por el, catro estrelas descubertas e numerosos planos e deseños de instrumentación de observación e medición, Ramón María Aller levou o nome de Donramiro polo mundo adiante, e o seu propio nome foi o que utilizou o inglés John Wilkins para bautizar un dos cráteres da Lúa.

Laxeiro, máximo representante do Movemento Renovador da pintura galega, plasmou nas súas obras as terras da Ribeira do Deza nas que se criara, rodeado das laxes das cales fixo derivar o seu nome artístico. Entre os seu galardóns cómpre destacar a Medalla da Bienal de Pontevedra, a Medalla Castelao da Xunta de Galicia e a Medalla de Ouro do Concello de Vigo, cidade na que conta con museo propio, ademais das numerosas exposicións privadas dentro e fóra das nosas fronteiras.

Autodidacta, curioso, emigrante, amante da sua terra... algunha das características que formaron o carácter dun xenio.